नेपाल राष्ट्र बैंकका अवकाशप्राप्त कर्मचारीहरूको साझा पहल, आपसी विश्वास र सहकार्यबाट वि.सं. २०६८ साल (सन् 2011) मा स्थापना भएको हाम्रो सहकारी संस्था आज ३०० भन्दा बढी सदस्यहरूको सक्रिय सहभागिता र निरन्तर सहयोगका बलमा सुदृढ तथा व्यवस्थित रूपमा अघि बढिरहेको छ। नेपाल राष्ट्र बैंकका अवकाशप्राप्त कर्मचारीहरूद्वारा स्थापित यस सहकारी संस्थाको उद्देश्य सदस्यहरूबीच आर्थिक सहयोग, विश्वास र पारदर्शिता कायम राख्नु हो। हामी सदस्य–केन्द्रित सेवा, सुशासन र उत्तरदायित्वमा दृढ विश्वास गर्दछौं।

हाम्रो प्रमुख उद्देश्य सदस्यहरूको आर्थिक सुरक्षा सुनिश्चित गर्नु, संकलित बचतलाई सुरक्षित तथा उत्पादनशील क्षेत्रमा विवेकपूर्ण परिचालन गर्नु तथा आवश्यकता अनुसार सुलभ, पारदर्शी र सदस्य–मैत्री ऋण सेवा उपलब्ध गराउनु हो।

संस्थाको सञ्चालनमा पारदर्शिता, विधिसम्मत कार्यप्रणाली, सुशासन, वित्तीय अनुशासन तथा उत्तरदायित्वलाई उच्च प्राथमिकता प्रदान गरिएको छ। लेखा परीक्षण तथा आन्तरिक नियन्त्रण प्रणालीलाई सुदृढ बनाउँदै हामी संस्थालाई अझ पारदर्शी र विश्वसनीय बनाउने दिशामा अग्रसर छौं। आगामी दिनहरूमा आधुनिक प्रविधिको अधिकतम उपयोग गर्दै सेवा प्रवाहलाई अझ प्रभावकारी, छिटोछरितो र विश्वासयोग्य बनाउने हाम्रो दृढ योजना रहेको छ।

जय सहकारी।